Cunsideremus cristianos devotos de Maria, su privilegiu singulare a Issa cunzedidu finzas dae su primu istante de sa gloriosa naschida sua.
Sa naturale inclinazione a su male, sa ribellione imperiosa de sa carré, su disordine de sos malos affettos, chi sunu s'infelice eredidade de ogni omine, nò appesin parte alguna cun custa Fizza privileggiada de su chelu, nè pottesin in perunu tempus oscurarende sa puresa illibada.
Naschesit Maria totta grata a s'Altissimu, totta perfetta e santa.
Nois, est beru, naschimus in peccadu e fìzzos de sa vinditta divina.
Ma Deus prò sa rniserigordia sua nos rigenerada a una vida noa cun candidissima istola de innocenzia e santidade. Guai de nois però chi perdimus custa bella istola e mancamus appena nd'istemus capazes.
Epperò arrepentidos e cuntritos recummus a Bois, o grande Mama e Segnora nostra Maria, proite nos imploredas sa grazia de burrare cun d'una vera penitenzia tottu sos peccados nostros e perseverare in issa fìnzas a sa fine de sa vida nostra umilmente supplichendebos:
Cunsideremus, cristianos devotos de Maria, comente s'anima dei custa privileggiada creatura destinada pro esser abitazione de su Divinu Salvadore, istesit subitu adornada e difesa comente sa zittade de Sionne, in sa cale fìgurada dae sas pius raras e luminosas virtudes.
Sa fide isvelesit a sa mente sua sa sublimidade de sos misterios celestes.
S'isperanzia ispieghesit puru a su docile ispiritu sou, sa fidelidade immancabile
de sas prommissas divinas chi La congiunghesit a tantu benefattore.
Nois est beru, naschimus in sas tenebras de sa comune ignoranzia, cun s'inclinazione fatale a sos mundanos piagheres, però amus in donu pronta sa fide a nos incamminare a s'eterna veridade, prota s'isperanzia cristiana a nos fagher connoscher sa vanidade de ogni bene terrenu, pro nos fagher disizzare sos benes immortales.
Ma nois o immentighende o male cunservende gasie bellas virtudes, creschimus pius prestu in sa malizia de su peccadu chi no in sa cognizione de sos santos misterios e preferimus sas soddisfaziones de unu piagher vilissimu a s'aquistu de su paradisu.
Deh! O grande Marna e Awocada nostra, ottenidenos prontamente dae sa divina liberale misericordia una fide totta operosa, un'isperanzia totta celeste, supplichendebos umilmente:
Cunsideremus cristianos devotos de Maria comente su purissimu coro sou s'incontresit subitu sorpresu dae incendiu de amore chi cantu pius dilataiat s'ardere tantu pius nde appagaiat sos affettos. Custu coro istesit s'altare misticu inue s'azendesit senza mai istudaresit su fogu de su Divinu Amore, inue Maria offeriat sos pius preziosos olocaustos.
Deus amabilissimu! Bois nos cu mandades de Bos amare cun totta sa mente, cun tottu su coro, cun totta s'anima nostra, e Bois matessi nos dades tottu cuddu chi cun totta rejone nos cumandades. E poi ten passare meses intreos senza chi nois cunsagremus a Bois unu pensamentu de amore, unu affettu de teneresa, unu disizu de devozione. Cernente podimus haere coro de narrer chi Bos amamus totalmente cantu est de parte nostra?
Deh! o Maria, Mama Santissima, ottenidenos cuddu amore fervorosu e costante, cun su cale corrispondezisi a su Summu Bene finzas dae sos primos momentos de sa vida. Benzat intro de nois, Mama Carissima, cuddu fogu divinu chi consumit e azzendet, chi distruit in nois ogni affettu de mundu, ogni disizu carnale, e in cambiu si formet in nois cuddu amore immaculadu chi sempre chircat, sempre cumpiaghet, sempre disizat a Deus, e gasie, Segnora e Avvocada nostra Bos supplicamus umilmente nende:
Cunsideremus cristianos devotos de Maria comente custa amante Segnora cun cuddu perfettu connoschimentu chi appesit finzas dae su naschimentu sou, fattesit subitu a Deus unu generosu e totale sacrifiziu de Issa matessi, cunsagrende a Isse in particolare sa puresa de su verginale corpus sou ei s'umilidade de unu coro dozile e mansuetu. Custu istesit su mediu pro meritare dae s'Altissimu de esser prevennida dae Ispiritu Santu, e preparare in Issa una digna abitazione a su Salvadore de su mundu.
Oh! cantu piaghen a Deus sas primas offertas de unu coro innozente, chi sun sas primizias de sa Grazia. Ma e cantos de nois, in logu de offerrer a Deus sos primos fruttos de s'innocenzia nostra, formemis, dae sos primos annos de s'usu e sa rejone, unu muru de divisione cun su Criadore e Benefattore nostru soberanu, vivendo in sa infame isciatitudine de s'inimigu infernale, e ai custu superbu luciferu sacrifìchende sos guastos affettos cun tanta ingiuria de su Babbu nostru celeste. Oh! istolida vida!
Deh! Bois, Mama de piedade refugiu de sos peccadores, imploradenos prò sos meritos bostros, chi tenzemus unu coro arrepentidu e unu coro contritu e umiliadu pro esser a Deus azzettu e aggradessidu, gasie o Segnora e Avvocada nostra bos supplicamus fervorosamente nende:
Ispijemunos, o cristianos devotos de Maria, in cudda pronta assoluta corrispondenzia de custa Vergine umilissima a sa grazia divina chi la prevenzesit. Comente Issa inter sos donos de s'Ispiritu Santu chi perfetamente L'adornesit, elegesit a preferenzia cuddu de su santu timore, chi est su veru fundamentu de sa vera sapienzia e de sa grande scienzia de sos santos ei s'alimentu de sas virtudes pius caras a su chelu. Pro pius chi esserat sa bell'anima sua cunfirmada in sa grazia e immune totalmente dae sa battaglia de sas immundas e bassas inclinaziones, si proponzesit niente mancu una tale lontananzia dae sos oggettos contagiosos de su mundu, chi giompesit finza a timire sa vista de un'Anghelu.
E nois, chi tenimus sos tesoros de sa grazia intro de unu esser fragilissimu, tantu faziles e inclinados a su malu sos sentidos de su corpu ei sas potenzias de s'anima, dispressiamus cuddu saludare timore chi nos diat servire de riparu prò no nos esporrer ai cuddas voluntarias occasiones, ai cuddos mundanos trattenimentos inue perigulat sa virtude e si dat sa morte a s'anima; cun su cale timore timis servire a Deus cun torta fìdelidade osservende in d'ogni parte sos adorabiles cumandamentos suos, e abbaidendenos de L'offender.
Bois edducas, o grande Awocada nostra, chi timezis tantu santamente a Deus, impetradenos dae su celeste Isposu ostru unu donu tantu preziosu pro bene cunservare su tesoro de sa divina grazia e chi gasie, o Segnora, Bos supplicamus umilmente nende:
Riflettemus in custa sesta die, cristianos devotos de Maria, comente Issa, custa purissima Virgine, cun sa naschida sua annunziesit a tottu sos mortales, sa paghe ei s'allegria. Mustresit approbe de enner in su mundu, su Sole luminosu de giustizia e santidade, signalesit su Portu de salvazione, sigillesit su pattu de grazias, chi su Re de sa paghe fit prontu a istabilire inter sos omines e Deus, tra su chelu e sa terra.
E nois comente sentimus in coro custa paghe ei custa santa allegria annnuziada dae custa gloriosa Corredentora? Forsis cun viver tranquillos in mesu a sos disordines e peccados e no proende risentimentu in sa trasgressione continua de sos divinos cumandos?
Ah ! Nois infelices! Gusta est sa paghe funesta ei sa fatale allegria chi Deus lassat pro castigu a sos peccadores ostinados.
Sa paghe chi annuziesit Maria est cudda matessi chi su Beneittu Fizu sou cunfìrmesit naschende e lassesit in donu e testamentu a sos caros discipulos suos. Paghe contraria ai cudda de su mundu, paghe de sa cale gosan solamente cuddos chi cumplin sa divina voluntade.
Mama Santissima deh! faghide cun su patrociniu ostru, chi potemus connoscher s'istadu miserabile chi vivimus, ei su Deus de ogni consolazione benzat a su coro nostru e in cumpagnia sua nos battat cudda allegria, cudda paghe chi no si connoschet dae sos seguaces de su mundu e prò custu Bos supplicamus vivamente nende:
Ammiremus, cristianos devotos de Maria, sa potenzia soberana chi custa privileggiada creatura, appena naschida, esercizitesit subra s'inimigu infernale.
Una Giuditta chi trunchesit sa testa a s'attrividu Oloferne, una Debora chi ponzesit in fua sos filisteos, un'Ester chi liberesit su populu sou dae sa crudelidade de Ammannu, figuresin sos luminosos triunfos suos.
Eleggida dae su chelu prò castigare s'ingannu de s'infernale serpente, nde atterresit, ancora Bambina, sa testa velenosa e si mustresit terribile a tottu sas potenzias des'inferru.
Vergine amabilissima! Nois semus d'ogni momentu in battaglia cun custu serpente malignu, chi trattat e reggirat de predare s'anima nostra, como cun s'astuzia, como cun cussas pius violentas insidias. E in logu de nos fortificare e parare robustos cun sa potenzia de sa grazia divina, zedimus in sas tentaziones e, cale attera infelice Eva, nde sighimus sas perfidas lusingas, nde tragamus su velenu.
Benide, o grande Vergine Maria, benide in difesa nostra chi giuramus una gherra implacabile dae como innantis ai custu inimigu de Deus e inimigu nostru; ottenidos pro incher sa armas necessarias dae su chelu: sa fide, s'isperanzia, sa caridade, s'orrore de su peccadu e sa prontesa a fuire sas occasiones. Avvalorados dae su patrociniu ostru, temus riparare sas ruinas nostras e gasie, Segnora e Avvocada nostra, Bos supplicamus umilmente nende:
Consideremus cristianos devotos de Maria, sa grandesa gloriosa chi esaltesit, custa primogenita de su chelu, subra de ogni attera creatura suggetta a s'Altissimu. Gusta grandesa no istesit già, terrena e mundana, ma ispirituale e de grazia.
No distinghesit sa Divina Sapienzia in Maria sa discendenzia reale, sa dignidade de sa tribù, sas impresas de sos antenados, ma bensì s'isplendore de sas virtudes pius che angelicas chi sa bell'anima Sua adornaiant.
Tantu est beru chi Deus non giudicat da grandesa nobilesa e dignidade segundu su mundu: una persona est grande a sos ojos de Deus, si s'incontrat umile, giusta e mortificada.
Imparemus, o cristianos, a esser grandes dae Maria, proite issa si cunsideresit e cunfessesit sa pius umile servidora de Deus, meritesit de esser su pius riccu tesoro de sas grazias celestes, Templu vivu e abitazione de s'Ispiritu Santu, Mama augustissima 'e Deus.
Bois, edducas, o Santissima Maria, cunsighidenos dae Deus sa grazia de esser umiles a sos ojos bostros e sottomissos a sa divina voluntade, narat su divotu 'ostru Bernardu :"Tale est su cumulu de sa vera grandesa." E comente disizamus Bo lu pregamus ancora umilmente nende:
Cunsideremus, cristianos devotos de Maria, comente sa sublime e privilegiada santidade sua andesit continuamente creschende finzas a su gloriosu fine sou, cun sa pratica costante de sa virtudes sas pius segnaladas e distintas, ogni momentu de sa vida sua istesit unu momentu de meritu, proite ogni momentu istesit unu eserciziu de virtude pius perfetta. Eppuru Maria Santissima cunfirmada in grazia no aiat ite timire e dubitare de sa salvazione sua fit anzi certa e segura de l'ottenner e lograre.
E nois chi podimus perder sa prima grazia de adozione e chi forsis l'hamus già perdida, nois tantu faciles a esser seduidos dae sos oggettos sensibiles, comente fuimus sa occasiones perigulosas, comente mortificamus sas nostras passiones, a cale custodia obbligamus sa vista, sa limba e ogni atteru sentidu pro conservare sa grazia rezida in sos sacramentos e pro avanzare in d'una santidade chi nos ghiet dae virtude in virtude a sa possessione e Deus? Deh! ammentemunnos bene chi in su serviziu de Deus, su prinzipiare 'ene istesit de medas, però de si salvare istesit de pagos.
Bos pregamus edducas vivamente, o grande Isperanzia nostra a nos ottenner custa ultima grazia, sa pius necessaria pro sa eterna salvazione, chi est sa perseveranzia in su bene; proite pratichende, a imitazione ostra senza interruzione sas virtudes cristianas, cun fervore sempre nou siemus fundados in sa grazia e salvos in sa gloria e gasie comente Bo lu pedimus, lu supplicamus nende: