NOVENA de NOSTRA SEGNORA de COROS

Si cantada unu canticu a Maria

SU SACERDOTE : In nomen de su Babbu, de su Fizu e de s'Ispiritu Santu.

SU POPULU : Amen.

ORAZIONE PRIMA DIARIA

Deus e Segnore meu, prostrados adenanti de sa majestade ostra soberana, cun tottu s'esser nostru, animas e coros, Bos adoramus, cunfessamus e beneighimus, laudamus e glorificamus e Bos riconnoschimus prò su Deus e Segnore nostru, in Bois creimus, e creimus firmamente tottu sos misterios de sa santa fide cattolica in sa cale cherimus vivere e morrer.

In Bois cunfidamus, e dae 'Ois ispettamus nos tezis perdonare tottu sos peccados nostros, nos tezis dare sa grazia ostra, sa perseveranzia in issa ei sa gloria chi tenides promittida a sos chi persevèran in su santu amore 'ostru. A Bois amamus subra tottu sas cosas prò sa bonidade 'ostra infinita, a Bois grazias infinitas pro tottu sos beneficios chi nos azis fattu e istades fattendenos sempre.

A Bois cunfessamus sa summa ingratitudine nostra, e tottu sas culpas sos peccados nostros, e de tottu Bos dimandamus perdonu. Nos pesat Deus bonu de Bos aer offesu pro esser Bois chie sezis. Nos pesat ancora proite sezis su Deus nostru infinitamente 'onu e dignu de essere amadu subra tottu sas cosas; proponimus firmamente, assistidos cun sa grazia ostra de mai pius peccare e appartarenos dae tottu sas occasiones de Bos offender, cunfessarenos e fagher penitenzia de sos peccados nostros e procurare in tottu de bos servire e aggradare.

Cunfìdamus in Bois, Segnore, chi prò s'infìnita miserigordia 'ostra nos tezis perdonare e nos tezis dare sos ausilios bostros, proite perseverende in sa grascia 'ostra godimus in sa gloria eternamente. Perdonadenos, Segnore pro chi cun s'anima limpia e pura, invochemus e laudemus a Maria Santissima, Mama 'ostra e Segnora nostra, e acansemus pro sa intercessione sua, cantu in custa novena dimandamus, essendo pro mazzore onore e gloria ostra e profettu de s'anima nostra. AMEN.

(SI FAGHET SA CUNSIDERAZIONE DE SA DIE)

Deus Ti salvet Rejna

Deus Ti salvet Rejna,
Mama de miserigordia,
vita dulzura isperanzia nostra:
Deus Ti salvet.
A Tie recurrimus
nois disterrados fìzos de Heva,
a Tie suspirarnus
clamende e pianghende
in custa adde de lagrimas.
A nois edducas, Avvocada nostra,
mustranos sos ojos tuos misericordiosos.
E appoi de custu esiliu,
mustranos Gesù Cristu,
fruttu beneittu de sas intragnas tuas.
O clementissima,
o piedosa, o dulze, sempre virgine,
o Maria.

S'Ave Maria

Deus ti salvet, Virgine Maria,
sa de grazias piena e adornada,
su Signore est cun tegus,Tue ebbia
Beneitta inter tottu ses istada.

Beneittu su Fruttu, chi giughias
in sas intragnas tuas, fecundada
dae s'Alta Virtude, chi in te fiat
dae s'Onnipotenzia mandada.

Santa Maria, chi ses digna Mama
De Gesus, Deus nostru e Redentore,
pro nois peccadores, chi tantu arnas
prega sempre s'amabile Segnore,
chi nos perdonet : si a Isse nos giamat
tottu nos salvet, ca est Salvadore. Amen.

ORAZIONE SEGUNDA DIARIA

Vergine gloriosissima e clementissima, Mama de Deus, Maria. Ecco prostrados a sos santissimos pes bostros, a nois umiles servidores bostros, indignos devotos bostros: Bos pregamus cun su pius profundu 'e su coro nostru a Bos dignare de rezire custas debiles laudes e benediziones nostras chi Bos offerimus in custa santa novena cunsegrada a su felice momentu de su santissimu Naschimentu "ostru in su mundu, intendende de las accumpagnare ai cuddos fervorosos cantigos chi Bos donan sos Anghelos e Santos in su chelu.

In premiu de tantu Bos supplicamus de nos ottenner sa grascia chi, comente 'Ois naschezis in custu mundu prò esser sa Mama e Deus, gasie nois resuscitemus a sa grascia divina pro esser fìzos bostros, de modu chi amendebos, pustis de Deus, pius de ogni cosa criada e servendebos cun totta fidelidade in terra, pottemus benner una die a Bos laudare sempre in su chelu.

E pro como permittide, o grande Avvocada nostra, chi Bos veneremus e invochemus cun su saludu de s'Arcangelu Gabrielle, prò sa devota memoria de sos dughentos-settanta dies chi istezis inserrada in su sinu fortunadu de sa mama 'ostra Sant'Anna. Siat edducas beneittu, o Maria, cuddu felicissimu istante ch'istezis cuncetta senza mancia originale.

(SI CANTANA SOS GOSOS)

SU SACERDOTE :

Bos beneigat Deus Onnipotente

su Babbu + su Fizu +

e s'Ispiritu santu +.

SU POPULU :

Amen.

SU SACERDOTE:

Andade in paghe

SU POPULU:

Cun Deus e Nostra Signora