A PASSIONE DO SIGNURI |
| 1. Amici e paisani di San Conu - sintiti chi vi
cunta stu parrinu Lu munnu di sta storia e tuttu chinu - stasira vi la vogghiu ricurdari:
A storia da Passione do Signuri - chi misu ncruci fu pi nostru amuri. 2. Girannu pi li strati e li paisi - facennu tanti mpraculi e purtenti un gnornu dissi: Amici stati attenti - a tutti i santi apostoli ch’aviva, nun vi scantati e nun vi scuraggiti - pricchi fra pocu a mia mi pirditi. 3. Era la sira do Giovedi Santu - quannu a l’Apostoli dissi u Signuri: Circatimi nna casa, pi favuri - l’urtima cena anzemula ama fari. Chistu e u me corpu, dissi nno mumentu - e fici allura lu gran Sacramentu. 4. Mentri cuntenti stavanu dda sira - nni dda casuzza ch’era un paradisu Dissi u Signuri tristi ni lu visu: - unu di vui a mia m’ada tradiri. Giuda cainu fu lu tradituri - vinniu pi trenta sordi u Redenturi.5. Dopu la cena beddi e sudisfatti - nill’ortu di l’ulivi si ni inu Dissi U Signuri: statimi vicinu - tegnu paura e vogghiu un po’ prigari. Sudannu sangu assai si turmenta - e puru Petru, stancu, s’addormenta. 6. Li surdatazza e Giuda mprima fila - rivanu cu li spadi e li bastuna Dda sira cu lu lustru di la luna - pi ncarzarari u nostru beddu Diu. E cu lu baciu di Giuda tradituri - fu ncarzaratu u nostru Redenturi. 7. Lanterni e spadi, fiacculi e bastuna - si vistinu dda sira luccicari Petru, scantatu, nun sapia chi fari - niscivu ’a spada e ’a unu lu nzannau. Parti u Signuri cu ranna miravigghia - e a lu surdatu ci sanau l’avricchia. 8. Taccatu cu li manu comu un latru - si portanu u Signuri; e dispiratu si va mpiccau Giuda scilliratu. - L’Apostuli scantati sa scappanu. No tribunali a Gesuzzu lu purtanu - sulu San Petru si muviu luntanu. 9. Nni dda prigiuni tristi e desulata - nuddu po’ diri e nuddu po’ pinsari quanti piniti ebbe a suppurtari - lu nostru Beddu Diu nucenti e puru. Maccari Petru u nigau a ddi mumenti - ma si pintivu e chiansi amaramenti. 10. Sputatu e bastuniatu senza fini - taccatu a nna culonna e fragillatu cu nna curuna ’e spini ncurunatu - e cc’un mantellu russu com ’i pazzi. Li so carnuzza tutti marturiati - di sangu pur ’i petri su macchiati. 1l. ’Nsanguniatu e tuttu sfiguratu - nna faci e nni li carni maculati veni muttatu fora de surdati - mentri Pilatu si lavau li mani. E dissi: chistu e l’omu, cc’aia fari? - Tutti gridanu: ’ncruci l’e mannari! 12. Lu lignu ncruciatu e assai pisanti - era gia prontu pi lu Redenturi. "O surdateddu, guarda pi favuri - un lignu chiu liggitu nun ci fussi? E’ tantu stancu u beddu figghiu miu - nun si la fida chiu. Oh, Beddu Diu! 13. O surdateddi chi la cura aviti - de spini, di li chiova e de marteddi pungenti su sti spini pi li beddi - carnuzza sui, e longa su sti chiova. Pieta tiniti pi nna matri affritta - sbalanza lu me cori, a pena e stritta. 14. Qua cruci supra e spaddi nno Calvariu - arriva u beddu Diu spasimanti. E alla Matri chi ci stava avanti: - "cunzolati, ci fa, tuttu e finutu!" Menzu du latri comu un marfatturi - muriu accussi lu nostru Redenturi. 15. O angiuli di tuttu u paradisu - calati a centu a centu e difinniti u nostru Sarvaturi, e lu scinniti. - Sta cruci nun la pozzu suppurtari. Nun mi lassati sula a stu mumentu - faciti prestu chi nun aiu abbentu. 16. "Figghiuzzu miu, ducizza do me cori - mi sentu scavialata e strabbilita. Figghiuzzu miu e vita da me vita - pricchi sti genti ncruci tanu misu? I surdi, l’orbi, i ciunca e struppiati - di tantu beni si lanu scurdatu." 17. De tombi intantu i morti si susinu - lu suli paru paru si scurau. Trimavu puru a terra e si squartau - e tutti si scantanu a ddu mumentu. Lu munnu interu pi lu gran tirruri - parsi gridari: chistu e u Sarvaturi! 18. Vicinu a lu Saburgu chi purtamu - pe strati do paisi, scunsulata c’e puru a bedda Matri Dulurata - chi cianci lu so Figghiu Redenturi. Pero dumani cu tanta ligrizza - Cristo risorgera nostra salvezza. 19. E ora tutti, ranni e picciriddi - chiazzari, muntatari e pinninari: Pinsamu co Signuri avimu amari - ed osservari la so santa liggi. Sulu si tutti beni ni vulimu - cu Cristu mparadisu ni ni imu. Rocco Zito |
